نحن مليار و نصف مسلم في هذا العالم.
استنّى حتى الروافض مسلمين!!!!
برّى نعاودوها: نحن مليار مسلم في...
سامحني: شنوّا زادا حتّى في اللي يخدمو في مجال السياحة و الغناء و الترفيه الاعلامي تحسب فيهم مسلمين
آه اي اي عندك الحق: نحن سبعامائة مليون مسلم في...
لا عاد لحظة: حتّى النساء السافرات حسبتهم
اعوذ باللّه: نحن الخمسمائة مليون مسلم
اووه نسينا اللّي ما يصلّيوش اطرحهم زادا
باهي باهي:نحن ربع مليار مسلم في...
حتّى اللي يحلفو بغير اللّه!!!!?
لا في هذي عندك الحق: نحن المائة مليون مسلم
بالنسبة للرجال ما تحسبليش حالقي الذقن, و بالنسبة النساء ما تحسب كان جماعة الحجاب شرعي
برةى مشات معاك: نحن الخمسين مليون مسلم
اوووف نسينا بش نطرحو مالاول العلمانيين و اليساريين بما انهم صفر فاصل يطلعوا خمسين مليون حسب التقريب.
نحن المسلمان في هذا الكون لن نسكت عن اهانة مقدّساتنا و سوف ننتقم من باقي العالم.
زوز سلفيين جدد في الميدان اثناء بلعة في بطحة في حي هلال
